الرئيسية › درّس معنا
سجّل كمدرّس إنجليزي أونلاين من البيت
سجّل على Darbi Teach وإنت بتحدد سعرك وأوقاتك. الطلاب بيلاقوك وبيحجزوا، وبيدفعولك مباشرة على كليك. التسجيل مجاني.
- التسجيل مجاني
- سعرك وأوقاتك بإيدك
- دفع مباشر على كليك
ليش تدرّس معنا؟
- طلاب بيدوّروا عليك: الطلاب والأهالي بيلاقوك بالبحث وبصفحات زي تحضير الآيلتس
- سعرك بإيدك: إنت بتحدد سعر الحصة، والطالب بيحوّلك مباشرة على كليك
- أوقاتك بإيدك: بتحط الأوقات يلي بتناسبك، وبتعمل إجازة وقت ما بدك
- صفحة خاصة إلك: رابط بروفايلك بتشاركه، وكل تقييم بيبني سمعتك
كيف بتشتغل الأسعار والعمولة؟
- 20%: عمولة المنصة من كل حصة
- 50%: خصم أول حصة للطالب الجديد، وبعدها سعرك الكامل
- 3 أشهر: سعرك بيثبت للطالب في حال رفعت سعرك
- 8 دنانير: أعلى سعر بالبداية، لحد ما يقيّموك 3 طلاب
مثال: إذا سعرك 6 دنانير، الطالب بيحوّلك المبلغ كامل، وإنت بتحوّل للمنصة عمولة 20%، يعني 1.20 دينار. وأول حصة لطالب جديد بتكون بـ3 دنانير، بتستلمها كاملة وبتحوّل للمنصة 0.60 دينار.
- بعد ما يقيّموك 3 طلاب بتقدر ترفع سعرك لحد 15 دينار.
- الطالب بيحوّلك على كليك قبل الحصة، وإنت بتحوّل العمولة من «محفظتي».
- إذا صار عليك 5 دنانير عمولة، أو لغيت حجوزات كثير، بيختفي بروفايلك من البحث لحد ما تسدّد العمولة أو تتواصل مع الدعم.
- التواصل مع الطلاب من رسائل المنصة فقط.
كيف بتبلّش؟
- سجّل وأكّد إيميلك: دقيقة وحدة، ورمز بيوصلك على الإيميل
- كمّل بروفايلك: صورة، نبذة، سعر وأوقات
- تعرّف علينا: مكالمة قصيرة وحصة تجريبية مع فريقنا
- استقبل حجوزات: بيبين بروفايلك للطلاب وبتبلّش
شو بتحتاج؟
- إنجليزي قوي ونطق واضح
- خبرة تدريس أو شهادة (CELTA، TEFL، TKT…)
- لابتوب أو كمبيوتر وإنترنت ثابت
- كاميرا ومايك
- حساب كليك لاستلام الدفعات
- التزام بمواعيدك، وتقرير قصير بعد حصص الأطفال
أسئلة المدرّسين
كم بقدر أكسب؟
إنت بتحدد سعر الحصة (50 دقيقة). الطالب بيحوّلك السعر كامل، وإنت بتحوّل للمنصة عمولة 20% منه، فبيضلّلك 80%. مثلًا من حصة بـ6 دنانير بتستلم المبلغ كامل وبتحوّل للمنصة 1.20 دينار.
لازم يكون معي شهادة؟
مش شرط، بس الشهادة والخبرة بيساعدوك تنقبل وتنحجز أكثر. فريقنا بيتعرّف عليك بمكالمة قصيرة وحصة تجريبية قبل ما يبين بروفايلك للطلاب.
كم ساعة لازم أدرّس؟
ما في حد أدنى. إنت بتحط الأوقات يلي بتناسبك، وبتقدر تعمل إجازة وتوقف الحجوزات بأي وقت.
كيف بقبض؟
الطالب بيحوّلك سعر الحصة على كليك قبل موعدها، وإنت بتأكّد الحجز لما يوصلك التحويل. وعمولة المنصة بتحوّلها من صفحة «محفظتي».
كيف بتصير الحصص؟
أونلاين بفيديو مباشر من خلال الموقع. زر «ادخل الحصة» بيبين عندك بـ«حجوزاتي» قبل الموعد بشوي، ويفضّل تدرّس من لابتوب أو كمبيوتر.
مين بيحجز عندي؟
أولياء أمور لأولادهم، وطلاب من عمر 15 وفوق، وكبار. إنت بتختار الفئة يلي بتدرّسها: صف أول لسابع، صف ثامن لتوجيهي، أو بالغين.
سجّل كمدرّس: https://darbiteach.com/teach